Surprise

13. Januar 2008 (20:30 Uhr)
D`Guri und ich sind vo de Bushaltestell am heilaufe gsi, schoen am plaeuderle, wo ploetzli en Maa vo hinde agrennt cho isch und mini Taesche het wett stehle! Zum Glueck hani gnueg Chraft ka zum mini Taesche z hebe, isch mer nuet gstole wurde. Mer sind jedefalls uu mega schnell abgsecklet...han en verdammte Schock ka.
Gsicht vom Typ hani ned gse, schaetze dass er so um die 18ni isch. Es het i miner Nochberschaft so chlini Teenagergangs, vellicht isches eine vo dene gsi.
D´Strass isch beluechtet gsi, het au anderi Luet ka, die hend aber nur bloed glueget wos passiert isch. Es wer ned so tragisch gsi wenn sie gstole wurde waer, han nur s´Natel und oeppe 10 Fr. ide Taesche ka. Mini Kreditkarte hani immer diheime, us Sicherheit. Be de Guri hetti er meh Glueck ka, sie het MP3, Portemonnaie und s´Natel ide Taesche ka.
In Zuekunft werdi kei Taesche me bruche, oder eifach met ere leere umelaufe.
Also Leute - be careful und hebet euchi Taesche!

Rene, me, his Mum and Dad (04.01.08)

Freitag, 28.12.07

Mer sind am Morge nomol an Strand. Isch eifach de hammer gsi, im Dezember am Strand! Hans ned choene glaube. Het mega vill nackti Luet ka, jaja. Han sogar en Wal gse, wit usse im Meer, wow! Am 11i simmer zrugg zum Campingplatz und hend duschet. Ide Maennerduschi hets en Schlange ka...aay
Am 12i sind mer abgfahre, d`Bsitzerin isch am schlafe gsi, so min Dad isch eifach los ohni z`zahle, hehe.
Sind am 5i in Matias Romero acho. Samstig und Sunntig hend mir nuet speziells gmacht.

Donnerstag, 27.12.07

Am 6i sind mer abgfahre, am 10ni de in Huatulco acho, was fuer en Hitz! Sind grad an Strand, alli Mexikaner met de Schwuemmweste, hihi. Het mega vill Luet ka. Sind de nach espaar Stunde wiiter, hend eigentli weder nach Matias Romero welle, sind de aber spontan a en andere Strand: Puerto Angel. Puerto Angel lit oeppe 1 1/2 h noerdlich vo Huatulco, es het mega vill Europaer dete. Es isch eifach wunderschoen gsi! Sind grad acho wo d`Sunne untergange isch.
Fuer 7 Fr.pro Nacht hettet mir choene inere Haengematte am Strand uebernachte, aber nei, sie hend ned welle :-( wer so schoen gsi. Sind zum Campingplatz und hend denne weder im Auto uebernachtet.

Dienstag, 25.12.07 und Mittwoch 26.12.07

Zischtig -
Sind nomol en Chile ga aluege :-) Es het zwoi Meitli ka wo immer mis Haar und mini Hut hend welle alange. Hend voher no nie en wissii Person gse. Isch es Mini-Dorf gsi ide Berge. Sind mega herzig gsi.
Mittwuch -
Sind an Maert. Ich han fuer zwoi Mangos, ei Melone, eis Kilo Trube, eis Kilo Kiwis und zwoi Kokosnuess nur 9.80 Fr. zahlt! Niammiii...

Montag, 24.12.07

Han Tamales gmacht met mine Grosis :-)
Am Nomitag sind mer en Chile ga aluege. Sind echli ide Gegend umegfahre...nada mas.
Wiehnachte hend mir hend gfiret. Isch komisch gsi, und au ergendwie schad. Isch wie en normale Tag gsi.

Samstag, 22.12.07

Am Morge sind mer s`Gotti vo mine Bruedere ga bsueche. Sie hend farbigi Bibeli ka, so suess. Ja susch isch nuet speziells passiert. Sie hend eus zunere Hochzit iglade. Han es Trachtechleid agleit xD Ischmer also scho echli peinlich gsi... S`Hochziitspaar isch ned grad gluecklich gsi, sie hend muesse huerote well sie schwanger isch! S`Fescht isch jedefalls luschtig gsi. Han met miner Mueter Cumbia tanzt, han au be de Spieli metgmacht, es het mich ned troffe - so denfall werdi nechst Jahr ned huerote :-)
Am Abe sind mer a en anderi Party. Isch langwilig gsi, jaja.

Freitag, 21.12.07

Am 6i simmer it Chile, nachem Gottesdienst hemmer Tamales g`esse.
---> Tamale oder Tamal ist ein traditionelles lateinamerikanisches Gericht, bestehend aus Masa (Maisteig) oder einem Maisteiggemisch aus Mehl, Wasser und Schmalz (meistens vom Schwein). Dieses Gemisch wird anschließend mit Fleisch, Käse oder anderem, abhängig vom persönlichen Geschmack, gefüllt <--- Mer sind am See entlang gloffe, hend de au no en Rundfahrt gmacht met eme Boot. Isch en mega schoeni Stimmig gsi. Agnehmi tropischi Waermi :-) mer sind au a de Affeinsle verbi, hend sie met Trube gfueteret, voll sweet! Nacher hemmer wiiter muesse. Sind vier Stunde gsi bis Matias Romero. (Matias Romero lit in Oaxaca, het oeppe 40 000 Iwohner.) D`Mueter vo mim Vater lebt dete, also mis Grosi :-) sie lebt met ihrere Schwoeschter. S`Huus isch schoen, zemmli gross. Sie hend Huehner, Schwein, Huend und Chatze im Hinterhof. Ich han es Zimmer met mim Mami teilt.

Donnerstag, 20.12.07

Am 4i sind mer abgfahre. Nach ere 10-Stunde Fahrt sind mer in Veracruz acho. 31 ºC!!! Mer sind chli ide Stadt undem Hafe umegloffe. S`Zentrum isch ned so gross und au ned so speziell. Het mega vill Hotels. Am Abe bin ich na met mine Bruedere im Meer ga bade. Schoen warm gsi :-) bin usegschwomme, han mich gfragt wieso sie ned choemed, isch mer de igfalle dass sie ned choend schwuemme... Spoeter sind mer wiiter gfahre, han kei Ahnig ka wo mir anegoend (wie immer), han mich eifach oeberasche la. So um die 9ni het eus es Auto verfolgt, sie hend eus Stei nachegruert, sodass sie mer muend ahalte und sie eus choend ueberfalle! Es isch ebe en Kurve-Strass gsi wos kei anderi Autos het. Ja isch zemmli gfoehrlich gsi. Mer sind glueckerlicherwiis entcho. Weiss ned wie, han gschlafe :-) zum Glueck! Hetti mega Angst ka... Am 10ni sind mer de in Catemaco acho. Catemaco isch en Stadt suedlich vo Veracruz, het en mega schoene See und en Insle met Affe. Mer hend s`Auto neb ere Tankstell stationiert und denne im Auto uebernachtet. Isch guet gange, isch ned so mega bequem sitzend z`schlafe, aber fuer ei Nacht, no problem. Han sehr guet gschlafe.