Dia de los muertos

1. November
In Mexiko firt me am 1. und 2. November "El dia de muertos = Tag der Toten".
De 1. November isch de Chinder gwidmet. Am Donnstig het mini Klass en "Altar" gmacht.
(Fotti chunt gli)
De Altar stellt en Schmetterling dar. D´Schmetterling sind d´Seele vo de verstorbnige Chind.
Was hets uf so eme Altar? Es het es Fotti vonere verstorbnige Person, Esse (Fruecht, Salz, Pan de Muerto, Wasser, Esse wo de Person gfalle het...), Blueme (Zempasuchilt), Cherze, Chruez, Spiegel...me chas echli gstalte wie mers wett. Me seit dass nach dene zwoi Taeg de Duft vom Esse verschwindet.
2. November
Am Fritig hani kei Schuel ka. Ich bin met de Consuelo undem Oscar zum Friedhof. Ufem Friedhof hets mega vill Luet ka. D´Mexikaner goend zu de Graeber vo verstorbnige Persone (Familie, Fruende...) Sie schmuecket s´Grab, esset und verbringet Ziit zeme. Espaar blibet au ueber Nacht ufem Friedhof. Me cha fuer es Lied zahle und de spielet Mariachis (-Musikante) es Lied vorem Grab.
Ich persoenlich finds en mega schoeni Tradition eifach en Tag z´ha fuer die Tote. D´Stimmig isch schoen gsi ufem Friedhof, komisch aber wahr.